Reyhan Kenanın şeirleri

Yazmadığım məktublar

Yazmadığım məktublar zəbt edib
ürəyimi.
Nə deməyə dilim yox,nə yazmağa
əllərim.
Məktublar əkmədiyim güllərim kimi
solğun,
xəyalım yol qırağında yolğun,
gozlərim həsrətdən yorğun.
Ürəyim inləyir sitəmdən ,

ürəyim poçt qutusu, asılıb sinəmdən.
O bir dərd xəzinəsi,hey hayda haraydadı,
sinəmdə yer çatışmır,elə bil dağ boydadı.
Səbr edib yaşayıram həsrətin
acığına,
bulaşsa da üst-başım kədərin
palçığına.
Sözlə dolu ürəyim,
hey alışıb,hey yanar
kozlə dolu ürəyim.
Qorxuram bu gedişlə gedə
həsrət badına, məktublarım da yana
ürəyimin oduna.

reyhan @ Avqust 9, 2008 0:21 | Bölməsiz | Şərhlər(1)
Baxış sayı: 74
Açar sözlər:

Şərh yazın

Adınız (vacibdir):

E-mailiniz :

Saytınız:

• 
• 
• 
• 
• 
• 
• 
• 
• 
• 
• 
• 
• 
• 
• 
• 

İsmarışınız: