Reyhan Kenanın şeirleri : Xalı toxuyan qız

Xalı toxuyan qız

Bir qız xəyalında toxuyur xalı,
Toxuyub evinə sərəcək onu.
Təzəcə yetişmiş meyvədi o qız,
Bilinmir kim gəlib dərəcək onu.
Hələ xəyalların ağuşundadır,
Hələ gozlərində gülüş gizlənir.
Dünya güzgü boyda görünür ona,
Güzgünün önündə hey güzgülənir.
Deyəsən bu qızın
böyüyüb,ana.

Günəşi sıxaraq ovüclarına,
gteyinir əyninə ay işığını.
Yığır ulduzları baxışlarına,
gözləyir göylərdən gül yağışını.
Hələ “naxışlardan”xəbəri yoxdur,
Durub hanasını qura da bilmir.
Neyləsin bu qızın günahı yoxdur,
xəyal qanadını qura da bilmir.
Hələ kələfləri dolaşıq düşüb,
Hanadan asmağa yumağı yoxdur.
“Vağzalı”çalınır gəlin köçəcək,
Üzünə salmağa duvağı yoxdur.
O,elə bilir ki, xəyallarında,
qaldırar yerindən tərpənməz dağı.
Xəyalında xalı toxuyan ğözəl,
hələ öyrənməyib ilmə vurmağı.